قلش ... زهقت من الكلام الجد ^_^
ـــــــــــــــــــــــــــــــــــــــــــــــــــــــــــــــ

* حركه شباب 6 ابريل تعلن تغيير اسم الحركه الي حركه شباب السادس من ربيع الاخر ....!!!

* عبد المنعم الشحات : الديموقراطيه كــــــفــــــر والترشح والتصويت حرام
لكن لو انا اللي هافوز .. احم .. يجوز الفوز بطريق ديموقراطي ...!!!!!

* في السنه اللي الشعب اختار الفستان البمبي في عز رمضان.... وفيلم شارع الهرم حقق اعلى ايرادات ... نفس الشعب صوت للسلفيين و الاخوان!!!!!

* لافتة لحزب النور : اللي اوله شرع آخره نور .

* أتري حين افقأ عينيك و أثبت مكانهما مقعدين .. واحد فئات و التاني عمال .. فهل تري ؟؟ هي اشياء لا تشتري !!

* النتيجة الرسمية للإنتخابات :المركز الأول : الحرية و العدالة - المركز الثاني : الزمالك .

* السلفيين في الانتخابات شعارهم ....عينك ما تشوف الا النور .

* الإخوان أعلنوا إنهم خدوا أكتر من 40 % و السلفيين أعلنوا إنهم خدوا أكتر من 20 % .. اللى نفسه فى حاجة "حرام" يلحق يعملها بسرعة .

* بعد سيطرة الاخوان على الدار البيضاء و تونس و ليبيا و غزة و مصر مش فاضلهم غير "عدن"و"محطة البنزين" و يقفلوا "بنك الحظ"

* الأرقام الإنجليزيه الفتره الجايه هتكون : وان ، تو ، ثري ، فور ، فايف ، استغفرالله العظيم ، سيفين .
* هذا وقد انقسم الشعب المصري الي جماعتين ، جماعة (التكفير والهجرة) و(جماعة التفكير في الهجرة)

* عبدالمنعم الشحات ركب تاكسي لقى السواق مشغل الراديو قام قال للسـواق : على أيام الرسول كان في راديو؟ السواق قاله لأ ، قاله خلاص لازم تطفي الراديو . السواق اتحمق و كبس فرامل و قاله : على أيام الرسول كان في تاكسي ؟ قاله لأ ! قاله خلاص إنزل استنى قافلة قريش .

* الاخوان بلعبوا سنجل على شمال افريقيا .. و باقي الاحزاب واقفه نكست .

* الإخوان بعد ما كسبوا في انتخابات نقابات الصيادلة والمهندسين والأطباء والمحامين والبرلمان قريبا منزلين مرشح قصاد البابا شنوده .

* أغاني الموسم :
ــــــــــــــــــــــــــــ
سحقاً الشبشب ضاع .. تباً ده كان بصباع .
نانسى عجرم: أنا سلفي وأبويا سلفي.. بجلبيتي ودقني سلفي .. وكل سلفي بارك الله فيه
عدوية: يا بنت "الاخوان"...حلمك علي "البرلمان". ده المجلس في أيديكي و ساويرس عطشان .
ابو الليف : مستهون بالاخوان يا خويا .. دولا كسبانين .
عمرو دياب : يا ريت لبسك يزيد مترين عشان لبسك كدة قصير .